لعبة بسيطة مصممة بالفيجوال دوت نت اعداد ياسر العربي VB.NET

بسم الله الرحمن الرحيم

اقدم لكم اليوم لعبة بسيطة مصممة بالفيجوال دوت نت 2012

طريقة اللعب : كل ما عليك هو ان تقوم بعبور الطريق بالطفل دون ان يلمس اي جزء من الاجزاء المتحركة والتى هي بمثابة 

سيارات  تسير بسرعة على طريق

وفي وسط الطرق تجد مفتاح  اذهب وخذه واكمل عبور الطريق لتصل الى الباب ليتم فتح الباب وعبور هذه المرحلة بأمان

طبعا هذه اللعبة تعتبر كمثال بسيط لألعاب مرت امامنا فهي توضح طريقة عمل اللعبة

واذا قمنا باستبداال ما باللعبة من اشكال بسيارات مثلا وبرصيف وبأشجار واضفنا بعض الجماليات عليها

ستصل الى الشكل المرغوب به وتصبح كمعظم الالعاب الموجودة هنا وهناك 

واذا قمنا ببعض التعديلات البسيطة وبدون اتقان سنصل بها الى هذا الشكل على الاقل

مثل لعبة الضفدع هذه

وسيتم قريبا شرح كيفية عمل هذه اللعبة في سلسلة الدروس الخاصة بالفيجوال دوت نت

لتحميل مثال اللعبة اضغط هنا

اعداد / ياسر العربي

المصفوفات Arrays

 

اليوم باذن الله سنقوم بشرح المصفوفات

(المصفوفات)Arrays

Arrays (المصفوفات) : يتم التخزين في المصفوفة باحجام ثابتة و متتابعة و تكون العناصر من نفس النوع يعني مثل (string , integer ) يتم استخدام Arrays (المصفوفة) في تخزين البيانات و سهولة الترتيب الاكواد و اختصارها و يستخدمها المبرمجين في المشاريع الكبيرة .
وتعريف أبسط : هي عبارة عن مجموعة من المتغيرات من نفس النوع مخزنه في مصفوفة

نروح لمثال لتطبيق عدد من المتغيرات String

كالاتي

        Dim aa As String
        Dim bb As String
        Dim cc As String
        Dim dd As String
        Dim ee As String
        Dim ff As String
        Dim gg As String

        aa = "ياسر"
        bb = "محمد"
        cc = "اسيل"
        dd = "ابو البراء"
        ee = "ابو يوسف"
        ff = "الفلاحجي"
        gg = "عبد العزيز"

الكود السابق هو الاعلان عن متغيرات متعددة من نوع استرنج وتم تعريفهم باسفلهم

طيب اللي فات متغيرات واحنا أخدناها من قبل طيب ايه نظام المصفوفات دي

نشوف الكود التالي

        Dim aa(6) As String

        aa(0) = "ياسر"
        aa(1) = "محمد"
        aa(2) = "اسيل"
        aa(3) = "ابو البراء"
        aa(4) = "ابو يوسف"
        aa(5) = "الفلاحجي"
        aa(6) = "عبد العزيز"

الكود اللي فات دا بيعبر عن مصفوفه بسيطة تتكون من سبع عناصر مع العلم اننا قمنا بتحديد العدد 6 في الاعلان ؟؟؟؟

لانه المصفوفة بتبدأ من الصفر كما ظهر في التعريف اسفل الاعلان

وممكن نكتبها بطريقة اخرى ايضا مثل الكود التالي

 Dim aa() As String = {"ياسر", "محمد", "اسيل", "ابو البراء", "ابو يوسف", "الفلاحجي", "عبد العزيز"}

انا هنا لم احدد عدد العناصر داخل المصفوفة وسيبنا الاقواس مقفوله بدون رقم ولكن قمنا بتعريفها بجانب الاعلان

وهي بنفس الاعداد بترتيبهم من جانب علامة يساوي يعني الطريقة دي هي نفس اللي فوقها

نستطيع اختبار النتيجة  عن طريق عمل تكست بوكس واحد  وزر للاختبار ونضع الكود 

التالي داخل الزر لاظهار النتيجة في التكست بوكس

TextBox1.Text = aa(0)

ايه اللي هيظهر لما نطبق الكود دا هيظهر لينا ياسر في كلتا الحالتين السابقتين من كتابة المصفوفة

طيب المصفوفه اللي اخدناها دي تعتبر مصفوفة ذات البعد الواحد

مصفوفة الone dimensional (البعد الواحد) 

ودي صورة توضيحية  لكيفية عملها

وتستطيع تغيير الارقام في الكود التالي كما هي موضحه بالصور واشوف النتيجة

'اكتب واحد من الاسطر الاتية كل مره وشوف النتيجة
TextBox1.Text = aa(0)
TextBox1.Text = aa(1)
TextBox1.Text = aa(2)
TextBox1.Text = aa(3)
TextBox1.Text = aa(4)
TextBox1.Text = aa(5)
TextBox1.Text = aa(6)

طيب دي مصفوفة مكونة من صف واحد فقط ازاي نقدر نحدد صفوف اكتر ودا في القسم الثاني من شرحنا

المصفوفة ذات البعدين

Two dimensional (البعدين)

وهذه المصفوفة تتميز بتخزين  اعمدة وصفوف  متعددة طبعا اخواتنا عارفين في الاكسيل ان موجود صفوف واعمدة ولما نحدد خلية عن طريق كود برمجي بنحددها كدا

Cells(1, 2).Select

يبقي الخلية كما بالصورة هي المحددة بالكود هتفهموا الصورة دي  يبقي كدا عرفنا المصفوفة ذات البعدين

طيب نشوف كود المصفوفة دي بيتكتب ازاي

        Dim aa(2, 3) As String

        aa(0, 0) = "ياسر"
        aa(0, 1) = "محمد"
        aa(0, 2) = "اسيل"
        aa(0, 3) = "ابو البراء"
        '--------------------
        aa(1, 0) = "ابو يوسف"
        aa(1, 1) = "الفلاحجي"
        aa(1, 2) = "عبد العزيز"
        aa(1, 3) = "ياسر1"
        '---------------------
        aa(2, 0) = "ياسر2"
        aa(2, 1) = "ياسر3"
        aa(2, 2) = "ياسر4"
        aa(2, 3) = "ياسر5"

        TextBox1.Text = aa(2, 1)

ركزو معايا المفروض دي عبارة عن ثلاثة صفوف واربعة اعمدة وبنعلن عنها كدا (2,3) لان الصفر عندنا يعتبر عمود وصف

طيب الكود السابق دا  التكست بوكس1 الناتج هيكون ايه ؟؟؟؟؟؟؟ هيطلع ياسر3

طيب صور توضيحية عشان نتأكد

الجدول السابق بيبين لينا تقاطع الصفوف مع الاعمدة والارقا موضحه بالجدول العلوي والاسفل منه يوضح البيانات الموجودة بداخل الجدول مثلا

طيب نشوف الصورة دي

ياريت تكون الصورة وضحت اكتر بالنسبة للمصفوفات من نوع المتعددة الابعاد

Arrays Multi dimension

وممكن نكتبها بالطريقة الاخرى هكذا

        Dim aa(,) As String = {{"ياسر", "محمد", "اسيل", "ابو البراء", "ابو يوسف", "الفلاحجي", "عبد العزيز"}, {"1", "2", "3", "4", "5", "6", "7"}, {"8", "9", "10", "11", "12", "13", "14"}}

        TextBox1.Text = aa(0, 2)

نيجي نشوف نتيجة الكود دا ايه هي الاول لازم نعرف ان كل اقواس مغلقة تعتبر صف يبقي عندنا كام صف ثلاثة وست اعمدة لان لدينا ست قيم في كل صف

طيب التكست بوكس اللي في الكود هتساوي ايه

اولها  الصف وهو صفر يعني الصف الاول والثاني العمود ورقمة 3 يعني القيمة الرابعة  لان الصفر يعتبر واحد وهي "أسيل" طبعا الكود معكوس هنا لما تنسخ وتحط داخل البرنامج هتوضح معاك

ارجو أن أكون قد وفقت في الشرح .
 رابط الموضوع في منتديات اوفيسنا
رابط سلسلة الدروس
 
 في امان الله .

تقبلو تحياتي

ياسر العربي

يتبع

كتب الكترونية لدروس الفيجوال بيسك دوت نت 2012

السلام عليكم ورحمة الله وبركاته

الدروس السابقة تم تحويلها  على هيئة كتب الكترونية لمراجعتها اوف لاين

باذن الله يتم تحويل كل درس لكتاب الكتروني لسهولة الوصول له خارج الانترنت

تشغيل البرنامج ولمحة عن الشاشة الرئيسية

تطبيق اول مثال على الفيجوال دوت نت آله حاسبة

تطبيق مثال آله حاسبة بكود اخر وتوضيح شكل محرر الاكواد

شرح المتغيرات والثوابت

شرح كيفية ربط الفيجوال دوت نت بالاكسيل والتعامل معه

تقبلوا فائق احترامي

ياسر العربي

يتبع

استكمالا لحلقات التكرار looping

بسم الله الرحمن الرحيم

 

استكمالا لحلقات التكرار

اليوم سنتحدث عن  looping

ونسترجع ان اللوبنج من الحلقات التكرارية الشرطية

وسنتطرق الى الجمل الاتية في الحلقات التكرارية الشرطية

Do.........Loop

While

Do...........While

Do...........Until

اولهم

Do.........Loop

وطريقة كتابة الاكواد هتبقى ازاي نشوف المثال التالي

        Do
            MsgBox("Yasser")
        Loop

الكود السابق بدايته DO  ثم  الاكواد الخاصة بنا داخل الجملة التكرارية ثم Loop لاعادة تنفيذ الكود مرة اخرى

طيب لما نطبق الكود دا ايه اللي هيحصل

اللي هيحصل ان البرنامج هيطلع لينا رسالة باسم ياسر

بس كدا لا دا هيفضل يطلعها على طول كل ما تطلع من واحده تيجي تانيه الى مالا نهاية ايه السبب

هي جملة شرطية طيب فين الشرط احنا مش حطينا شرط يبقي البرنامج هيفضل شغال رسايل على طول

وطبعا دا لو كود غير  الرسالة مع التكرار الى مالا نهاية سيتعرض دائما برنامجنا الى التهنيج من كثرة التكرار

طيب عايزين نحل المشكلة ونحط شرط للموضوع دا

نشوف المثال التالي ونركز فيه شوية

        Dim x As Byte = 1
        Do
            MsgBox(x)
            x = x + 1
            If x = 10 Then
                Exit Do
            End If
        Loop

اول الكود مجرد اعلنا عن متغير من نوع بايت وعرفناه برقم1

وبعدين بدأنا الجملة ب Do

ثم رسالة بها قيمة المتغير

والسطر اللي بعده رفعنا قيمة المتغير +1 لكل حلقة تكرارية

وبعدين عشان نضع الشرط للجمله نستخدم IF

ونقول لو المتغير X يساوي 10 ايه اللي يحصل اخرج من الجملة التكرارية دي

يبقي الكود السابق هيحصل فيه ايه

بداية الكود المتغير x  هيساوي1 وبعدين هنخش الجملة وتظهر رسالة برقم المتغير اللي هو 1 وهننزل على السطر اللي بعده

هنلاقي انه المتغير زاد رقم بقي 2 يروح على الجملة الشرطية وهي ان المتغير يبقي عشرة والمتغير لسه 2 يبقي هيتجاهل الشرط ويكمل ينزل يلاقي لووووب هوب يرجع تاني وهكذا

لحد اول ما الرقم يوصل 10 يروح للشرط يلاقي انه 10 يقوله عندك اخرج بقي من الدوخة دي واللفه دي

وبكدا عرفنا الجملة Do.........Loop

ندخل على الجملة الثانية وهي While

        Dim x As Byte = 1
        While x < 10
            MsgBox("الحمد لله" & x)
            x = x + 1
        End While

ايه الكود دا نفس المتغير x

وندخل على الجملة While  ودي جد على طول بتقولك الشرط ايه عشان اعرف اشتغل عليه من الاول بنقلها لو قيمة الاكس اصغر من 10

يطبع الحمد لله ورقم المتغير جمبها

والسطر اللي بعده طبعا عارفينه وهو زيادة المتغير +1

ويرجع تاني لحد ما يتحقق الشرط عند الرقم 10 تتوقف الجمله الموضوع سهل ومفيهوش اي صعوبة

وطبعا دا مثال مبسط للجمله نستطيع تركيب كود بطريقة احترافيه وطرق مختلفه كتييرررر

وندخل على الجملة الثالثة وهي Do...........While

        Dim x As Byte = 1
        Do While x < 10
            MsgBox("الحمد لله" & x)
            x = x + 1
        Loop

باختصار الجملة دي تجمع Do & While مع بعض لان Do لوحدها كنا بنستخدم فيها If

اما الان الشرط موجود معها فلا داعي الى IF

ندخل على الجملة Do...........Until

والجملةدي عكس ال Do...........While

بمعني ان Do...........Until  بتقول افعل الى ان يتحقق الشرط

Do...........While  افعل عندما يتحقق الشرط

        Dim x As Byte = 1
        Do Until x > 10
            MsgBox("الحمد لله" & x)
            x = x + 1
        Loop

هنا هيفضل يكرر الجملة الى ان تصل قيمة المتغير x  الى اكبر من 10

وبكدا نكون شبه انتهينا من الجمل التكرارية المحددة والشرطية

تقبلو تحياتي

ياسر العربي

الحلقات التكرارية iterations & looping

بسم الله الرحمن الرحيم

 

درس اليوم بعنوان

الحلقات التكرارية iterations & looping

يعني ايه iterations & looping  ويعني ايه حلقات تكرارية من الاصل

الحلقات التكرارية في الاصل هي تكرار امر معين عدد من المرات كثيرا ما نحتاج في برامجنا تكرار بعض الاوامر عدد من المرات المحددة او الغير محددة

يعني مثلا اقول لحبيبي ابو البراء قول     ارنبنا فى منور انور وأرنب أنور فى منورنا  عشر مرات مثلا

كدا انا حددت عدد التكرار هنا عشر مرات دا ان عرف يعني يقولهم او حتى اخي احمد الفلاحجي 

هنا بقي نقول ان دي جمله تكرارية محددة او معروفة وتندرج تحت الاسم  iterations

طيب لو قلت لابو البراء قول بسيطه وماتستبسطهاش وصعبه وماتصتصعبهاش لحد ما يبان لك صاحب ههههههه

كدا اول واحد هيظهر ويتعاطف مع الموقف حبيبي ابو يوسف ويقولي حرام عليك واخي الغالي عبد العزيز هيقول اشيل عنه شوية والفلاحجي هيستخبى 

طيب من المثال اللي فات فهمنا ايه انه لازم يفضل يعيد الجملة لحد ما يبان له صاحب

يعني هنا حطينا شرط لايقاف الحلقة

يبقي كدا اسمها جملة تكرارية شرطية  وتندرج تحت الاسم  looping

ومن الامثلة السابقة نقدر نقسم الحلقات التكرارية المحددة والشرطية كما بالاسفل

iterations

For.........Next

For.........Each

looping

Do.........Loop

Do...........While

Do...........Until

While

ناخد مثال على الجز الاول وهو   iterations

For.........Next

وتكتب هكذا

      
        For i = 1 To 10

            MsgBox(i)

        Next

نوضح الجمله اولا بدأنا الجملة بكلمة محجوزة For وبعدها حرف i وهو هنا يسمي بالمتغير وبالاصح العداد المتغير

وبعدها = تساوي ايه بقي تساوي القيمة الابتدائية للمتغير  to  القيمة النهائية للمتغير والتي اذا وصل لها توقف عن العمل ونختتم الكود ب Next  للتكرار حتى نهاية القيمة

يبقي المثال اللي فات ايه اللي هيحصل فيه لما نشغله

هيظهر لينا رسائل متتاليه من 1 الى 10 وبعدها تتوقف لانتهاء عمل الكود

طيب لو احنا محتاجين زيادة بمقدار مختلف يعني مثلا يزيد كل مره رقمين مش واحد زي ما موجود

يعني بدل ما يبقي 1 2 3 4 5 6 7 8 9 10

يبقي كدا مثلا 1 3 5 7 9  وطبعا مش هيجيب ال10 لان مسافتها من بعد ال9 رقم واحد يبقي هيتوقف عند ال9 فقط

ازاي نعمل الكود دا نشوف

 For i = 1 To 10 Step 2

            MsgBox(i)

        Next

زودنا هنا كلمة step 2  وهنا يعني مقدار الخطوة 2 للمتغير

طيب ينفع بدل ما ازود انقص مثلا اه تمام ينفع نعكس العمليه

        For i = 10 To 1 Step -1

            MsgBox(i)

        Next

يعني ايه الكود السابق يعني المتغير يفضل يقل من 10 لحد 1 بمقدار -1

طيب احنا هنقضيها مقدار ارقام لا ممكن  نعلن عن متغيرات تحمل الارقام دي ازاي بقي

        Dim x As Byte = 1
        Dim y As Byte = 10

        For i = x To y

            MsgBox(i)

        Next

اظن كدا واضحة لينا احنا اعلنا عن متغيرين من نوع بايت واحد قيمته1 والتاني 10

ونستطيع ان نربط المتغير بتكست بوكس مثلا اذا كانت القيمة هنحددها من على الفورم واحنا شغالين

ندخل بعد كدا على الFor Each

بنستخدم امتى الفور ايتش دي

بنستخدمها مع الكولكشن زي المصفوفات كدا مثلا

هناخد المصفوفات دي بس بعدين المهم هنعرف ازاي نعلن عنها ونعرفها في الجملة فور ايتش في المثال التالي

        Dim myarr() As String = {"الفلاحجي", "ابو البراء", "ابو يوسف", "البسكري", "ياسر العربي"}


        For Each i In myarr

            MsgBox(i)

        Next

هنا اعلنا عن مصفوفه من نوع استرنج نصي يعني وعرفناها  بما هو مكتوب بين الاقواس

وبعدها جينا لجملة التكرار For Each

ووضعنا متغير i  بيساوي المصفوفة myarr

الكود السابق عند تطبيقه سيعرض لنا الاسماء  الموجودة بالمصفوفة على التوالي داخل رسالة وعند الانتهاء من كل محتويات المصفوفة يتوقف عمل الكود

زي ما بنعملها في الاكسيل كدا مثلا

Dim rng As Range
For Each rng In Sheet1.Range("a1:a100")
rng = "الله اكبر"
Next rng

هنا بنعلن عن متغير rng وحددنا له مساحة يشتغل داخلها من الخلية a1 :a100  ونقدر نطبق على هذا النطاق ما نريده

مثلا نحدد المتغير ونقول انه  المتغير هيكون قيمته

الله اكبر

ونطاق الحلقة التكرارية هو 100 خليه  يبقي كلهم هيتكتب فيهم

الله اكبر

 

ولحد هنا نتوقف ونكمل باذن الله باقي الدرس قريبا

تقبلو تحياتي

ياسر العربي

يتبع

شرح كيفية ربط الفيجوال دوت نت بالاكسيل والتعامل معه

بسم الله الرحمن الرحيم

احبتي في الله

اليوم باذن الله سنقوم بشرح كيفية ربط الفيجوال بيسك دوت نت مع الاكسيل

نقوم بفتح برنامج الفيجوال بيسك دوت نت

ثم نقوم بعمل مشروع جديد

ونقوم باضافة عدد

واحد تكست بوكس textbox

وخمسة زر button

ووضعهم كما بالصورة

وطبعا نقوم من تبويب الخصائص الخاص بالادوات بالتعديل على اي اداة من حيث تغيير الاسم ولون الاداة

وشكلها وحجمها وحجم الخط بداخلها وغيرها وغيرها من خواص

هناك طرق عدة لربط برامج كثيرة بالفيجوال ومنها الاكسيل

وسوف نشرح الطريقة التى احبها واعرفها ايضا وهي ما قمت بشرحها بسلسلة الفيجوال6

وان شاء الله الاختلاف بسيط ولكن الاساس واحد

وهنعتمد على المراجع وهنختار المكتبة الخاصة بالاكسيل داخل المراجع بالفيجوال كما شرحناها سابقا ومن يريد معلومة اضافية

يدخل على سلسلة الفيجوال6 يراجع نفس الدرس المذكور اعلاه وهو ربط الفيجوال بالاكسيل

وهذا هو الرابط

سلسلة دروس الفيجوال بيسك 6

الان نقوم بالذهاب الى قائمة البرنامج الرئيسية ونختار منها بروجيكت ثم Add Reference

ثم نقوم باختيار com

ومنها نختار المكتبة الخاصة بالاكسيل كما موضح بالصورة

الان قمنا بتصميم مشروعنا  وقمنا بتجهيز المكتبات اللازمة لعمل البرنامج

ينقص الان كود عمل البرنامج

نضع هذا السطر في اول الكود في ال General في التصريحات العامة

يعني نفتح محرر الاكواد ونيجي على اول سطر بالظبط ونضع هذا الكود به

السطر دا بيربط بين المرجع وبين البرنامج

Imports Excel = Microsoft.Office.Interop.Excel

ثم نقوم بالاعلان عن متغيرات لسهولة التعامل مع الاكسيل من داخل برنامجنا

كما بالكود التالي ولقد قمنا بشرح مثله في سلسلة الفيجوال6

Public Class Form1
'نضع  المتغيرات في بداية تصريحات الفورم 1
'المتغير الاول يشير الى برنامج الاكسيل
        Dim xlApp As Excel.Application
'المتغير الثاني يشير الى ملف مصنف الاكسيل 
        Dim xlWorkBook As Excel.Workbook
'المتغير الثالث يشير الى ورقة العمل 
        Dim xlWorkSheet As Excel.Worksheet







End Class

ثم نضع في حدث تحميل الفورم الكود التالي

Private Sub Form1_Load(sender As Object, e As EventArgs) Handles MyBase.Load
        xlApp = New Excel.ApplicationClass 'فتح برنامج الاكسيل جديد
        xlWorkBook = xlApp.Workbooks.Open("d:\test.xlsx") 'فتح ملف اكسيل 
        xlWorkSheet = xlWorkBook.Worksheets("sheet1")'تم الاشارة للمتغير هنا بالورقة 1
        xlApp.Visible = False'اخفاء البرنامج
    End Sub

ثم نأتي للزر الاول وهو زر الادخال وهو ادخال القيمة الموجودة في تكست بوكس1 الى ملف الاكسيل في العمود A وكلما ادخلنا قيمة يضعها تحت الاخرى

Private Sub Button1_Click(sender As Object, e As EventArgs) Handles Button1.Click
        Dim last As Long'نقوم بانشاء متغير من نوع long
'قمنا بتعريف  المتغير هنا على اساسا حساب عدد الصفوف بالعمود الاول التى يوجد بها بيانات بالاضافة +1
        last = xlWorkSheet.Cells(xlWorkSheet.Rows.Count, "a").End(Excel.XlDirection.xlUp).Row + 1
'هنا نحدد الخلية a& last
وهي اخر خليه بها بيانات بالاضافة 1 للكتابة في السطر التالي الفارغ قيمة ما بداخل التكست بوكس1
        xlWorkSheet.Range("a" & last).Value = TextBox1.Text
    End Sub

الكود التالي زر اظهار برنامج الاكسيل

    Private Sub Button2_Click(sender As Object, e As EventArgs) Handles Button2.Click
'كود سهل وهو اظهار برنامج الاكسيل
        xlApp.Visible = True
    End Sub

الكود التالي زر اخفاء برنامج الاكسيل

   Private Sub Button3_Click(sender As Object, e As EventArgs) Handles Button3.Click
        xlApp.Visible = False
    End Sub

الكود التالي زر حفظ التغييرات بملف الاكسيل

  Private Sub Button4_Click(sender As Object, e As EventArgs) Handles Button4.Click
        xlWorkBook.Save()
    End Sub

الكود التالي اغلاق برنامج الاكسيل والغاء تعريف المتغيرات

 Private Sub Button5_Click(sender As Object, e As EventArgs) Handles Button5.Click
        xlWorkBook.Save()
        xlWorkBook.Close()
        xlApp.Quit()
        xlApp = Nothing
        xlWorkBook = Nothing
        xlWorkSheet = Nothing
        MsgBox("تم اغلاق ملف الاكسيل")
    End Sub

وبكدا نكون انتهينا من شرح الكود وربط الاكسيل بالفيجوال

وهذا هو  الكود كامل

Imports Excel = Microsoft.Office.Interop.Excel
Public Class Form1
        Dim xlApp As Excel.Application
        Dim xlWorkBook As Excel.Workbook
        Dim xlWorkSheet As Excel.Worksheet
    Private Sub Form1_Load(sender As Object, e As EventArgs) Handles MyBase.Load
        xlApp = New Excel.ApplicationClass
        xlWorkBook = xlApp.Workbooks.Open("d:\test.xlsx")
        xlWorkSheet = xlWorkBook.Worksheets("sheet1")
        xlApp.Visible = False
    End Sub
    Private Sub Button2_Click(sender As Object, e As EventArgs) Handles Button2.Click
        xlApp.Visible = True
    End Sub
    Private Sub Button1_Click(sender As Object, e As EventArgs) Handles Button1.Click
        Dim last As Long
        last = xlWorkSheet.Cells(xlWorkSheet.Rows.Count, "a").End(Excel.XlDirection.xlUp).Row + 1
        xlWorkSheet.Range("a" & last).Value = TextBox1.Text
    End Sub
    Private Sub Button5_Click(sender As Object, e As EventArgs) Handles Button5.Click
        xlWorkBook.Save()
        xlWorkBook.Close()
        xlApp.Quit()
        xlApp = Nothing
        xlWorkBook = Nothing
        xlWorkSheet = Nothing
        MsgBox("تم اغلاق ملف الاكسيل")
    End Sub
    Private Sub Button4_Click(sender As Object, e As EventArgs) Handles Button4.Click
        xlWorkBook.Save()
    End Sub
    Private Sub Button3_Click(sender As Object, e As EventArgs) Handles Button3.Click
        xlApp.Visible = False
    End Sub
End Class

انا قمت بوضع مثال لتكست بوكس فقط للتوضيح انا عايز منكم فهم الشرح وتطبيقه على نطاق اوسع شوية من المثال الموجود

يعني عاوز برامج بجد شغل يعتمد عليه مش مجرد مثال

يلا  عايز اشوف شغل مش كلام 

ومش هحط مرفق نهائي الان لحد لما نشوف التفاعل والشغل

تقبلو تحياتي

ياسر العربي

يتبع